Breaking News
‘மொட்டில்’ வென்றவர்களுக்கு மஹிந்த அறிவுரை
‘தமிழர்களுக்கு எதிரான வன்முறைகள் இன அழிப்புக்கு இணையானது’

மாணவனுக்கு நீதி கோரி பாடசாலை மாணவர்களால் மட்டக்களப்பில் ஆர்ப்பாட்டம்

0

ஏறாவூர், சவுக்கடி இரட்டைப் படுகொலை சம்பவத்தில் உயிரிழந்த பி.மதுசான் என்ற மாணவனுக்கு நீதி கோரி பாடசாலை மாணவர்களால் மட்டக்களப்பில் இன்றைய தினம் ஆர்ப்பாட்டம் ஒன்று முன்னெடுக்கப்பட்டுள்ளது.

கொலையுன்ட குறித்த மாணவன் கல்வி கற்ற குடியிருப்பு கலைமகள் வித்தியாலயத்தில் இருந்து மாணவர்கள் மற்றும் பழையமாணவர்கள், ஆசிரியர்களால் இந்த ஆர்ப்பாட்டம் முன்னெடுக்கப்பட்டுள்ளது.

பாடசாலையில் இருந்து பேரணியாக முன்னெடுக்கப்பட்டு பின்னர் மட்டக்களப்பு பிரதான வீதியில் உள்ள சிறுவர் நன்நடத்தை அலுவலகத்திற்கு முன்பாக பாரிய ஆர்ப்பாட்டமாக முன்னெடுக்கப்பட்டது.

கொலையாளிகளை கைது செய்யக்கோரியும், மாணவர்களின் பாதுகாப்பை உறுதிப்படுத்தக் கோரியும் பல்வேறு கோரிக்கைகளை போராட்டத்தில் ஈடுபட்ட மாணவர்கள் முன்வைத்திருந்தனர்.

இதன்போது, மட்டக்களப்பு மாவட்ட நாடாளுமன்ற உறுப்பினர் எஸ். வியாழேந்திரன், பாடசாலையின் ஆசிரியர்கள், மாணவர்கள், பழைய மாணவர்கள் மற்றும் பொதுமக்கள் என பலர் கலந்து கொண்டிருந்தனர்.

Share.

Comments are closed.

Facebook Auto Publish Powered By : XYZScripts.com