Breaking News
ஜெயலலிதாவுக்கு சிறப்பான சிகிச்சை அளிக்கப்பட்டது – பிரதாப் ரெட்டி  
ஆர்.கே.நகர் தேர்தல் சிறப்பு அதிகாரி விக்ரம் பத்ரா சென்னை வருகை

சின்கியூபீல்ட் கோப்பைக்கான சர்வதேச செஸ் போட்டியில் இந்தியாவின் விஸ்வநாதன் ஆனந்திற்கு 2ஆவது இடம்

0

சின்கியூபீல்ட் கோப்பைக்கான சர்வதேச செஸ் போட்டியில் இந்தியாவின் விஸ்வநாதன் ஆனந்திற்கு 2ஆவது இடம் கிடைத்துள்ளது.

இந்தப் போட்டியில் 8ஆவது சுற்று வரைக்கும் முன்னிலையில் இருந்த ஆனந் 9ஆவது சுற்றில் அமெரிக்காவின் வெஸ்லே சோவுடன் சமநிலையில் சம்பியன் பட்டம் வாங்கும் வாய்ப்பை இழந்தார்.

இந்த நிலையில் அமெரிக்காவின் லூயிஸ் நகரில் இடம்பெற்ற இப்போட்டியின் இறுதிச் சுற்றில் பிரான்ஸின் மேக்பஸம் வச்சியர் ரஸ்யாவின் நெபோம் நியாஷியை வீழ்த்தி 6 புள்ளிகள் முன்னிலையில் சம்பியன் ஆனார்.

குறித்த போட்டியின்; ஒன்பதாவது சுற்றுக்களின் முடிவில் இந்தியாவின் விஸ்வநாதன் ஆனந் 2 வெற்றி 7 சமநிலைகளுடன் 5.5 புள்ளிகளை பெற்றுக் கொண்டார். இதனால் அவர் கார்சலுடன் 2ஆவது இடத்தை பகிர்ந்து கொண்டார். லெவோன் ஆரோனியன் செர்ஜி கர்ஜாகின் ஆகியோர் தலா 5புள்ளிகளுடன் 4ஆவது இடத்தைப் பகிர்ந்து கொண்டார்.

மேலும் நடப்பு உலக சம்பியனான நார்வேயின் மேக்னஸ் கார்ல்சன் ஆர்மீனியாவின் லெவோன் ஆரோனியனையும் ரஷ்யாவின் பீட்டர் ஸ்விட்லர் அமெரிக்காவின் பாபியானோ கருணாவையும் வீழ்த்தினார். அதே நேரம் அமெரிக்காவிற்று ஹகாரு நாகமுரா-ரஷ்யாவின் செர்ஜி கர்ஜாகின் இடையிலான ஆட்டம் சமநிலையில் முடிந்தது.

பீட்டர் ஸ்விட்லர் 4.5 புள்ளிகளுடன் 6ஆவது இடத்தையும் பாபியானோ கருணா 4புள்ளிகளுடன் 7ஆவது இடத்தையும் ஹிகாரு நாகமுரா 3.5 புள்ளிகளடன் 8ஆவது இடத்தையும் பிடித்தனர். வெஸ்லோ சோ நெபோம் நியாஷி ஆகியோர் தலா 3 புள்ளிகளுடன் 9ஆவது இடத்தையும் பகிர்ந்து கொண்டனர் என்பத குறிப்பிடத்தக்கது.

Share.

Comments are closed.