பிறப்புறுப்பு துண்டிக்கப்பட்டு கொடூரமாக கொல்லப்பட்ட கால்பந்து நட்சத்திரம்: அம்பலமான பின்னணி தகவல்

0

பிரேசில் நாட்டில் கழுத்தறுக்கப்பட்டு, பிறப்புறுப்பும் துண்டிக்கப்பட்டு மிக கொடூரமாக கொல்லப்பட்ட கால்பந்து நட்சத்திரம் தொடர்பில் அதிரவைக்கும் தகவல்கள் வெளியாகியுள்ளது.

பிரேசில் நாட்டில் முக்கிய கால்பந்து அணியான São Paulo-ல் முக்கிய நட்சத்திரமாக விளங்கியவர் டேனியல் கொரியா ஃப்ரீடாஸ்.

கடந்த அக்டோபர் 28 ஆம் திகதி உலக கால்பந்து ரசிகர்களை அதிர்ச்சிக்குள்ளாக்கிய கொலை சம்பவம் அரங்கேறியுள்ளது.

மிகவும் கொடூரமாக கொல்லப்பட்ட டேனியலின் சடலத்தில் இருந்து பிறப்புறுப்பு துண்டிக்கப்பட்ட நிலையிலும், கழுத்து துண்டிக்கப்பட்ட நிலையிலும் காணப்பட்டுள்ளது.

இச்சம்பவம் நடந்த 3-வது நாள் குற்றவாளி என சந்தேகிக்கப்படும் 38 வயதான எடிஸன் பிரிட்டாஸ் ஜூனியர் என்பவரை பொலிசார் கைது செய்துள்ளனர்.

தனது மனைவியை கொடூரமாக பலாத்காரம் செய்ததன் பழி வாங்கும் நடவடிக்கையாக டேனியலை கொலை செய்ததாக அவர் பொலிசாரிடம் ஒப்புதல் வாக்குமூலம் அளித்துள்ளார்.

மட்டுமின்றி டேனியலின் கொலை தொடர்பாக எடிஸனின் மனைவி மற்றும் மகளையும் பொலிசார் குற்றவாளிகள் என வழக்கில் சேர்த்துள்ளனர்.

அக்டோபர் 28 ஆம் திகதி பிரேசிலின் Sao Jose dos Pinhais நகரில் இருந்து டேனியலின் சடலம் மீட்கப்பட்டது.

தொழிலதிபரான எடிஸனின் மகள் அல்லானாவின் பிறந்த நாளுக்கு சிறப்பு விருந்தினராக டேனியல் கலந்து கொண்டுள்ளார்.

இரவு விடுதியில் துவங்கிய கொண்டாட்டங்கள் எடிஸனின் குடியிருப்பிலும் தொடர்ந்துள்ளது. இதனிடையே எடிஸனின் மனைவியுடன் அவரது படுக்கையறையில் வெறும் உள்ளாடை மட்டுமே அணிந்த நிலையில் டேனியலின் புகைப்படம் ஒன்று அவரது நண்பர்களுக்கு பகிரப்பட்டது.

குறித்த புகைப்படத்தை டேனியலே அவரது நண்பர்களுக்கு அனுப்பியுள்ளதும் பொலிஸ் விசாரணையில் பின்னர் உறுதி செய்யப்பட்டது.

டேனியலுடன் எடிஸனின் மனைவி பாலியல் உறவில் ஈடுபடுவதை நேரிடையாக பார்த்ததால் ஏற்பட்ட ஆத்திரத்தில் எடிஸன் இந்த கொலையை செய்திருக்கலாம் என பொலிசார் சந்தேகிக்கின்றனர்.

ஆனால், மகளின் பிறந்தநாள் கொண்டாட்டத்தின் இடையே மது போதையில் இருந்த டேனியல் தமது மனைவியை பலாத்காரம் செய்ய முயன்றதாகவும்,

இதை நேரில் பார்த்த தாம் அவரை படுக்கை அறைக்கு வெளியே இழுத்துச் சென்று தாக்கியதாகவும் பொலிசாரிடம் எடிஸன் தெரிவித்துள்ளார்.

மேலும், ஆத்திரம் அடக்க முடியாமல் கத்தியை எடுத்து டேனியலில் கழுத்தை துண்டித்ததாகவும், பின்னர் பிறப்புறுப்பை துண்டித்ததாகவும் அவர் தெரிவித்துள்ளார்.

ஆனால் இந்த விவகாரத்தில் எடிஸன் தனியாக இல்லை எனவும், டேனியலை கொலை செய்ய மேலும் மூவரின் உதவியை நாடியிருந்ததாகவும், அவர்களை தேடும் பணி துரிதமாக நடைபெறுவதாகவும் பொலிசார் தெரிவித்துள்ளனர்.

ம்

Share.

Comments are closed.

WP Facebook Auto Publish Powered By : XYZScripts.com