Thursday , September 24 2020
Breaking News

வேண்டுமென்றே இருமினால் தடைவிதிக்கப்படும் – இங்கிலாந்து உதைபந்தாட்ட சங்கம் எச்சரிக்கை

உதைபந்தாட்ட போட்டியின்போது எதிரணி வீரர்களின் முகம் அருகே அல்லது நடுவரின் முகம் அருகே வேண்டுமென்றே இருமினால், அவர்களுக்கு தடைவிதிக்கப்படும் என இங்கிலாந்து உதைபந்தாட்ட சங்கம் எச்சரிக்கை விடுத்துள்ளது.

கொரோனா வைரஸ் தொற்று பரவிய பின்னர், ஐரோப்பிய நாடுகளில் மீண்டும் உதைபந்தாட்ட போட்டிகள் நடைபெற்று வருகின்றன. ரசிகர்கள் இல்லாமல் போட்டிகள் நடத்தப்படுகின்றன.

ஒரு வீரரிடம் இருந்து மற்றொரு வீரருக்கு கொரோனா தொற்று பரவாமல் இருக்க பல்வேறு வழிகாட்டு நெறிமுறைகள் வழங்கப்பட்டுள்ளன.

மைதானங்களில் அடிக்கடி துப்பக்கூடாது. வீரர்கள் சந்தோசத்தில் ஒருவருக்கொருவர் கட்டிப்பிடிக்கக் கூடாது, முடிந்த அளவு சமூக இடைவெளியை கடைபிடிக்க வேண்டும் என்று வீரர்களுக்கு அறிவுறுத்தப்பட்டுள்ளது.

இந்தநிலையில் ஒரு வீரர் மற்றொரு வீரர் முகம் அருகே சென்று வேண்டுமென்றே இருமினாலும், நடுவர் முகம் அருகே சென்று வேண்டுமென்றே இருமினாலும் அவரை சிவப்பு அட்டை கொடுத்து வெளியே அனுப்பலாம்.

அல்லது மஞ்சள் அட்டை கொடுத்து தண்டிக்கலாம் என நடுவருக்கு அதிகாரம் கொடுக்கும் வகையில் இங்கிலாந்து உதைபந்தாட்ட சங்கம் வழிகாட்டு நெறிமுறையை திருத்தம் செய்துள்ளது.

அடிக்கடி இருமுதல் மற்றும் மைதானத்தில் துப்புதல் என்பன தண்டனைக்குள்ளாகாது என்று தெரிவிக்கப்பட்டுள்ளது.

Leave a Reply

Your email address will not be published. Required fields are marked *